پی آئی اے کی بین الاقوامی پروازوں کا سلسلہ عارضی طور پر بحال ہونے لگا۔

اسلام آباد سے 2 طیارے 650 مسافروں کو لے کو برطانیہ کے لئے روانہ

اسلام آباد(تیز ترین) پاکستانی فضائی کمپنی ( پی آئی اے) کا بین الاقوامی فضائی آپریشن کسی حد تک بحال ہوگیا ہے۔ اور آج اسلام آباد سے 2خصوصی طیارے 650 مسافروں کو لے کو برطانیہ روانہ ہوئے ہیں. تفصیلات کے مطابق پی آئی اے کا بین الاقوامی فضائی آپریشن عارضی طور پر بحال ہونے لگا ہے۔  اسلام آباد سے برطانیہ کی پہلی خصوصی پرواز327مسافروں جبکہ دوسری پرواز 319 مسافر کو لے کر روانہ ہوئی۔ روانگی سے قبل مسافروں کی ہیلتھ ڈیسک پراسکریننگ اور طبی معائنہ کیاگیا۔ اور مسافروں کے سامان اور جہاز پر اڑان بھرنے سے پہلے اسپرے کیا گیا. سول ایوی ایشن اتھارٹی نے پی آئی اے کو برطانیہ کے لیے8 خصوصی پروازوں کی اجازت دی ہے۔ ترجمان پی آئی اے کا کہنا ہے کہ کل بھی دو پروازیں اسلام آباد روانہ ہوں گی۔ خیال رہے برطانیہ جا نے والی پروازوں پر کئے جانے والے حفاظتی اقدامات بین الاقوامی معیار سے بہت زیادہ بڑھ کر ہیں۔ پی آئی اے کی تمام پروازیں پاکستان سے مسافروں کو لے کر روانہ ہوں گی اور مسافروں کو بر طانیہ چھوڑ کر خالی طیارے واپس پاکستان آئیں گے۔ پی آئی اے نے بین الاقوامی پروازوں کا آپریشن جزوی بحال ہونے پر فضائی عملے کیلئے نیا سفری ہدایت نامہ جاری کیا ہے۔ اس ہدایت نامہ میں طریقہ واضح کیا گیا ہے کہ فضائی میزبان دوران پرواز مسافر میں کرونا وائرس کی علامات کیسے پہچانیں. ہدایت نامہ میں کہا گیا ہے کہ کپتان پرواز کی روانگی سے قبل جہاز میں کرونا وائرس سے بچاﺅ اور احتیاطی تدابیر سے متعلق انتظامات کی مکمل جانچ کر ے گا۔ پی آئی اے انتظامیہ کا کہنا ہے کہ دوران پرواز فضائی میزبان مسافروں کو ہینڈ سینی ٹائرز اور ماسک کا استعمال یقینی بنائیں گے۔ جبکہ مسافروں سے ہیلتھ ڈیکلیریشن فارم پُر کروانا لازمی قرار دیا گیا. آج پی آئی اے کی پرواز9701 اسلام آباد سے مسافروں کولے کرمانچسٹرروانہ ہوچکی ہے۔ جبکہ مانچسٹرسے پی آئی اے کی پرواز9702 واپس آئے گی۔ ادھر پی آئی اے کی 2 پروازیں اسلام آباد سے گلگت جبکہ ایک پروازاسکردو کے لیے بھی اڑان بھرچکی ہے. واضح رہے کہ کورونا وباء سے بچنے کے لیے پی آئی اے نے اندرون و بیرون ممالک فلائٹ آپریشن معطل کررکھا تھا جس کو کسی حد طور پر بحال کردیا گیا ہے.

Facebook Comments

POST A COMMENT.