مسلم لیگ (ن)اپنا تعمیری اورمثبت کردارادا کر رہی ہے۔ عوام کو کسی صورت تنہا نہیں چھوڑیں گے۔ خواجہ سعد رفیق

لاہور (تیز ترین) پاکستان مسلم لیگ (ن) کے مرکزی رہنما خواجہ سعد رفیق نے کہا ہے کہ مشکل کی اس گھڑی میں پوری قوم نے اتحاد کا مظاہرہ کرنا ہے۔ ہم نے حالات سے قطعاً مایوس نہیں ہونا۔ مسلم لیگ (ن) بطور اپوزیشن جماعت اپنا تعمیری او رمثبت کردار ادا کر رہی ہے اور عوام کو کسی صورت تنہا نہیں چھوڑیں گے۔ ان خیالات کا اظہار انہو ں نے پارٹی رہنماء رانا آصف حسین ڈیال سے گفتگو کرتے ہوئے کیا۔ خواجہ سعد رفیق نے کہا کہ عوام سے اپیل ہے کہ خود کو گھروں تک محدود رکھیں، اور حفاظتی تدابیر پرعمل کرتے ہوئے اس وباء کو پھیلنے سے روکنے میں اپنا کردار ادا کریں۔  خواجہ سعد رفیق نے کہا کہ مسلم لیگ (ن) کے رہنماء اور اراکین اسمبلی مشکل کی اس گھڑی میں عوام کے شانہ بشانہ ہیں، اور انہیں تنہا نہیں چھوڑیں گے۔ رانا آصف حسین ڈیال نے کہا کہ قیادت کی ہدایات پر سیاست سے بالا تر ہو کر مستحق خاندانوں کی مدد کر رہے ہیں۔