عمر اکمل کا معاملہ چیئرمین ڈسپلنری پینل کے سپرد کر دیا گیا۔

لاہور ( تیز ترین )  پاکستان کرکٹ بورڈ (پی سی بی) نے قومی کھلاڑی عمر اکمل کا معاملہ چیئرمین ڈسپلنری پینل کے سپرد کر دیا ہے۔  پی سی بی کی جانب سے جاری تفصیلات کے مطابق اس بات کا جائزہ لینے کے بعد کہ عمر اکمل نے انٹی کرپشن ٹریبونل کے سامنے سماعت کی درخواست نہیں کی۔  پاکستان کرکٹ بورڈ نے عمر اکمل کا معاملہ ڈسپلنری پینل کے چیئرمین کے سپرد کردیا ہے۔ ڈسپلنری پینل کے چیئرمین  لاہور  ہائی کورٹ کے سابق جج جسٹس (ریٹائرڈ) فضلِ میراں چوہان ہیں۔  پی سی بی نے یہ فیصلہ عمر اکمل کے جواب کے تمام مندرجات کا جائزہ لینے کے بعد کیا ہے۔ عمر اکمل کی جانب سے دائر جواب میں پی سی بی اینٹی کرپشن کوڈ کے تحت انٹی کرپشن ٹربیونل کے سامنے سماعت کے لیے تحریری درخواست نہیں کی گئی۔ کوڈ کے آرٹیکل 4.8.1 کے تحت چیئر مین ڈسپلنری پینل اب نوٹس آف چارج میں مخصوص جرائم کی تصدیق کرتے ہوئے پابندی سے متعلق فیصلہ سنائیں گے۔ چیئرمین ڈسپلنری پینل کی جانب سے فیصلہ صادر ہونے تک پی سی بی اس معاملے پر مزید کوئی تبصرہ نہیں کرے گا۔

Facebook Comments

POST A COMMENT.