لائن آف کنٹرول کی خلاف ورزی پر بھارتی سفارتخانے کا ناظم الامور طلب.

اسلام آباد ( تیز ترین ) بھارتی افواج کی جانب سے لائین آف کنٹرول کی خلاف ورزیاں جاری، وزارت خارجہ نے بھارتی سفارتخانے سے ناظم الامورکو طلب کرکے احتجاج ریکارڈ کرایا۔ بھارتی فوج نے دودھنیال، چڑی کوٹ، رکھ چکری، اوربروہ سیکٹرز پرفائرنگ کی گئی۔ فائرنگ سے ایک بچہ شہید اور4 شہری شدید زخمی ہوئےہیں۔ ترجمان نے بیان میں کہا کہ بھارتی فوج جان بوجھ کر شہری آبادی کو نشانہ بنا رہی ہے۔ مارٹر گولے بھاری توپ خانہ اور خودکار اسلحہ استعمال کیا جا رہا ہے۔ رواں سال 549 مرتبہ قابض بھارتی فوجوں نے ایل او سی کی خلاف ورزی کی ہے۔ بھارتی فوج مسلسل 2003 کے سیز فائر معاہدے کی  خلاف  ورزی کر رہی ہے۔ دفترخارجہ سے جاری بیان میں کہا گیا ہے، کہ بھارتی اقدامات سے علاقائی امن و سلامتی کو شدید خطرات لاحق ہیں۔ کشیدگی بڑھا کر بھارت مقبوضہ کشمیر سے انسانی حقوق کی خلاف ورزیوں سے عالمی توجہ ہٹانے کی ناکام کوشش کر رہی ہے۔ دفترخارجہ نے مطالبہ کیا ہے کہ اقوام متحدہ کے مبصر گروپ کو کام کرنے کی اجازت دی جائے۔

Facebook Comments

POST A COMMENT.